‘‘လေလွင့်ခြင်း’’

12376769_986408284785885_63317217833998708_n

***************************************************************

တိတ်ဆ်ိတ်မှုတွေတိုးသိပ်နေတဲ့ အခန်းထဲ

ပြုံးနေကျ အပြုံးတို့က ဆွံ့အ

ဒဏ်ရာတွေက လျံကျ၊

နိုးထခဲ့တဲ့  ငါ့ မနက်ဖြန်တွေက

တိတ်တဆိတ် အဖတ်ဆည်မရ

ကြွေကျ။

အတတွေဗရပွက  တွန်းထိုး

ရိုးသားခြင်းတွေလား၊

အချင်းများခြင်းတွေလား ဝေခွဲမရ

အကျည်းတန်စွာ

ညဟာ

အဖတ်ဆည် မရ

အမှောင်ကျ။

 

ဖြည်းဖြည်းချင်းဝေး

အတွေးတွေအနေနဲ့ ကျန်ခဲ့တဲ့ ငါ့ပူလောင်ခြင်းတွေ

မိုးနဲ့ အတူမျောလိုက်တယ်။

အခုတော့

င့ါသူရဲကောင်းဆိုတာ

ဟိုး ကောင်းကင်ထက်က

ဦးတည်ရာမဲ့စွာ ပျံသန်းနေတဲ့ ငှက်တေလေ တစ်ကောင်သာ။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

၁၂ ဇွန် ၂၀၁၆

(၁၃း ၁၅ နေ့လည်)

အက်ကြောင်း

******************************************************************

အနားမှာ ကော်ဖီတစ်ခွက်ရှိတယ်။
တစ်မြည့်မြည့်ကျွမ်းလောင်နေတဲ့ စီးကရက်တစ်ဝက်ရှိတယ်။
သူ့တို့အားကိုးနဲ့
ခြေရာထပ်နေတဲ့ လမ်းကျဉ်းထဲငါ
ဆက်လျှောက်နေဆဲပဲ။

အတိတ်တွေကိုသတိရစေတဲ့ သီချင်းဟောင်းတွေရယ်၊
အရင်က အကြောင်းအရာတွေကိုပြန်တူးဆွနေတဲ့ ဒီမိုးစက်တွေရယ်၊
ဟိုးတုန်းကထက် အနည်းငယ်အရောင်မှိန်နေတဲ့ဂစ်တာ တစ်လက်ရယ်လည်းရှိတယ်။
အသားကျဖို့တော့ရုန်းကန်နေဆဲပဲ။

အိပ်မက်တွေရယ် အလွမ်းတွေရယ်
ရံဖန်ရံခါ ၀မ်းနည်းခြင်းတွေရယ်
သူတို့နဲ့ပတ်သက်မှုကို အဆုံးသတ်စေမယ့်
ငါ့ရုံးထွက်မှုတွေရယ် ကတော့
အခုထိတိုင် အချင်းများနေတုန်းပဲ။

တစ်ခါတစ်လေတော့
အထီးကျန်မှုတွေ ငါချစ်တတ်နေပီလား၊
ဝေးကွာခြင်းတွေကို နှစ်မြို့နေပီလား၊
အဲဒီ မေးခွန်းတွေလည်းရှိတယ်။
မသိသလိုချန်ထားခဲ့တယ်။

ဟုတ်တယ်၊
မနက်ဖြန်တွေကိုလည်းရေလောင်းရဦးမယ်၊
မောပန်းနေတဲ့ ခြေအစုံကိုလည်းဖေးမ ဖို့လိုမယ်၊
သူတို့ပေးတဲ့ အဖိုးအခတွေက စေးကပ်လွန်းလှတယ်၊
နောက်တစ်ရက် အိပ်ရေးထပ်ပျက်ဦးမယ်။

မတတ်နိုင်ဘူး၊
အချိန်ကပေးတဲ့သင်ခန်းစာတွေကိုလည်း လေးလွန်းလို့ပစ်ချထားခဲ့ပြီပဲ။

အခုတော့
အဲဒီကော်ဖီတစ်ခွက် ကုန်အောင်မသောက်ပဲ၊
အဲဒီဆေးလိပ်တစ်ဝက်ကိုမီးမသတ်ပဲ၊
ရောက်တတ်ရာရာရှိလို့နေတဲ့မီးခိုးငွေ့တွေကိုကြည့်ရင်း
ငါ အိပ်တော့မယ်၊
မနက်ဖြန်ကျရင် ဖြစ်သလိုပြုံးထားရဦးမယ်။

xxxxxxxxxxxxxxxxxxxxxxxxxxxxxxxxxxxxxx

‘‘မိုးနှင့်အလွမ်း’’

အုံ့မှိုင်းဆွေဆွ မုန်တိုင်းလေလို

နဂိုကနွမ်း မလန်းပန်းသို့

လင်းဖို့မသာ ထိုဝန်းကျင်မှာ

ပဏာရွက်ကြွေ ညှိုးငယ်လေတော့

သော့သော့ အတွေး ခပ်ရေးရေးထင်

ဘ၀င်မသာ စိတ်မှာတွေလို့

တံစို့ထက်ကင် သဲစိုင်နင့်အောင်

ဘလောင်ဆူစွာ အကျွန့်ရင်ဝယ်

မိုးရယ်အုံ့တိုင်း လွမ်းမိသည်

သက်ထားဘယ်လို ရှိပါလိမ့်လေ။

######################################

၂၆ မေလ ၂၀၁၇

၁၃း ၂၀ (နေ့လည်)

ဘ၀ဟာ ခက်ခဲတယ်။

ဒါပေမယ့် လူတွေက ပိုလို့ခက်ခဲတယ်။

အခက်အခဲဆိုတာတွေကို ပြောင်းလဲဖို့ ခွန်အားတွေအဖြစ် သဘောထားပါ။

အပြောင်းအလဲ

ခုတစ်လော ကြားရတဲ့သတင်းတွေက စိတ်မကောင်းစရာ။ အလုပ်ထဲက လုပ်ဖော်ကိုင်ဖက်တွေ၊ ဇာတိက ဆွေမျိုးသားချင်းတွေ၊ တစ်ချို့ ငယ်သူငယ်ချင်းတွေ မရှိကြတော့ဘူး။ မကြာသေးခင်ကပဲ သူတို့ကိုယ်တွေကို နှုတ်ဆက်လို့၊ တစ်ချို့လည်းနှုတ်မဆက်ပဲ လူ့လောကထဲကနေ ထွက်သွားကြတယ်တဲ့။ သတင်းကြားတော့၊ ဟောဗျာ။ ဟင်။ စုတ်တစ်သတ်သတ်နဲ့၊ စိတ်မကောင်းခြင်းတွေနဲ့။ ဪ ဖြစ်မှ ဖြစ်ရလေ။ မြန်လိုက်တာ။ အာမေဋိတ်တွေဖြစ်လို့။

ပြန်တွေးကြည့်တော့ သူတို့တွေထဲက (သူငယ်ချင်း၊ ဆွေမျိုး) တစ်ချို့တွေကတော့ အစားအသောက် အနေအထိုင်အပိုင်းမှာ ဖြစ်သလိုနေကြပေမယ့် တစ်ချို့ကတော့ ပိုက်ဆံရှိတဲ့အလျောက် စားချိန်တန်စား အိပ်ချိန်တန်အိပ်ကြသူတွေ။ ကျန်းမာရေး အတော်အသင့်လိုက်စားကြသူတွေပါရဲ့။ ဆိုပေမယ့် အသက်ရှည်တယ် မရှည်ဘူး အာ မ မခံနိုင်ပြန်ဘူး။

ဒီဖက်ခေတ်ထဲလည်း ရောဂါသစ်တွေ ရှိလာတယ်ဆိုပေမယ့် နည်းပညာတွေက တိုးတက်နဲ့၊ ဆေးဝါးတွေလည်းအသစ်တွေနဲ့ပေါ့လေ။ သွေးပေါင်ချိန်တာတောင် အရင်ကလို ဆရာဝန်မလိုတော့ဘူး။ ဆေးရုံဆေးခန်းကြီးတွေထဲက တစ်ကိုယ်လုံးကို စကန်ဖတ်တဲ့ဟာကြီးထဲ ဝင်လိုက်ရင်ဖြင့် (အောင်းမျလေး) ဘယ်နေရာဘာဖြစ်တယ် တန်းသိဆိုပဲ။ ဗိုက်ထဲ မှန်ဘီလူးထည့်ကြည့်ရတာနဲ့။ အချိန်ဆွဲ ထားတဲ့ဆေးတွေနဲ့။ ဪ တယ်လည်း တိုးတက်ပါ့လားပေါ့။

ဆိုပေမယ့် အသက်တွေကတော့ ဆုံးရှုံးနေကြရဆဲပဲ။ ဒီလောကထဲ ဘယ်သူ့မျက်နှာမှမထောက်တာ အဲဒီသေချင်းတရားတစ်ခုတည်းကျန်တော့တာလား မသိပါဘူး။ အယုတ် အလတ် အမြတ် မရွေး။ ငါတော့ ငယ်ပါသေးတယ် ဆိုပြီး မာန်တက်နေလို့ မရတဲ့အရာ။ တရားကျတယ်ဆိုတာထက် အပြောင်းအလဲ တွေသိပ်မြန်တယ်ဆိုတာကို ပြောချင်တာပါ။ ထိန်းချုပ်ဖို့ မရတဲ့ အရာတွေ၊ ငွေနဲ့ လဲလို့ မရတဲ့ ဟာ တွေ အများကြီးပါလား ဆိုတာ နည်းနည်းသတိထားမိတာပါ။

မနက်ဖြန်နဲ့ နောက်ဘ၀ ဘယ်ဟာပိုနီး၊ နောက်ဘ၀ ပိုနီးဆိုသလိုပဲ။

သြော် မသေခင်တော့ ကိုယ်လုပ်ချင်တာလေးတွေလုပ်ဦးမှ။ ပိုပြုံးဦးမှပါ။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

၁၁ ဧပြီ ၂၀၁၇

Plunge

Most of the time, things don’t go in a way they used to be.

Just do not mean too much. Take a deep breath, close your eyes and plunge.

You will be fine.

‘တော အညာ’

တော အညာ

******************************************************

နေမင်းဟာ

လင်မယားချင်း ရန်ဖြစ်လို့ အိမ်ပေါ်က ဆင်းလာတဲ့ လူလို

ဘူတူတူ ထုံတုန်တုန်

မှုန်သုန်တဲ့ မျက်နှာဘေးနဲ့

အညှိုးတေးထပ်လို့

သြော်

ပူချက်ကွာ။

 

လွမ်းစရာမြင်ကွင်းဆိုတာ

အညာရဲ့ ယာခင်းက မှ သိပ်ပီပြင်လွန်းမယ်ထင်ရဲ့။

 

သဲခင်းတဲ့ ကွင်းပြင်မှာ ကျောက်စရစ်က ထက်ဝက်

တစ်ချက်တစ်ချက်တိုက်တဲ့ လေဟာ လည်း ပူ

လူသူသိပ် မထူတဲ့ နေ့ခင်းမှာ ကောက်နှံပင်တွေက လှီလို့

တန်းစီ လို့ စိုက်ထားတဲ့ ထန်းပန်နဲ့ ကန်သင်းကိုခြား

ဆိတ်ကျောင်းသားကတော့ ခပ်လှမ်းလှမ်းမှာ

စည်းဝါးမညီတဲ့တိုင်ပင်နဲ့ သီချင်းကြီးတစ်ပုဒ် ညည်းနေလေရဲ့။

 

တမာသီးနံ့လည်း ရရဲ့

ထနောင်းပင်တန်းလည်းလှရဲ့

သဲခင်းတဲ့ ချောင်းခြောက်ရဲ့ လက်ယက်ရေတွင်းတွေနံဘေး

တစ်ဟေးဟေး တစ်ပဲပဲနဲ့

ဆိတ်အော်သံတွေလည်း ကြားရဲ့။

 

အရိပ်ကောင်းတဲ့ မန်ကျည်းပင်အိုတွေနားတော့

ထန်းလက်မိုး ထန်းလက်ကာ

ထန်းသား နဲ့သာ ခင်းတဲ့

ခမ်းနားခြင်းမရှိလှတဲ့ ရေချမ်းစင် သေးသေးလေးတွေက

ဟိုနားလည်း ငုတ်တုတ်

ဒီနား လည်း ငုတ်တုတ်

ပန်းသမျလူကို အလှူလုပ်လို့

သြော်

ရေဆိုတာ ရဲ့ အရသာ

အဟုတ်တကယ် သိပ်ချိုတဲ့ အညာ။

 

ဆီးနဲ့ ထန်းညက်

မန်းကျည်းနဲ့ ကရမက်

ထန်းရည်နဲ့ ထန်းညက်ခဲ

ဆိတ်အော်သံ တစ်ပဲပဲနဲ့

ရေမရှိတဲ့ သဲချောင်းတွေနား

နံ့သာဖြူနဲ့ သနပ်ခါးတွေ ဒင်းကျန်းပေါတဲ့ အညာ။

 

မနက်ခင်းဖက်မှာဆို ရင်တော့

ကိုယ်တိုင်သာ ယက်တဲ့

ယကန်းထည် ဖျင်အကွက်နဲ့

သနပ်ခါး ဘေးကြား ဆွဲရင်း

နွားညီနောက်စုံတွဲနဲ့  ယာတော ၀င်သူက၀င်

တစ်ပင်ဝင်တစ်ပင်ထွက်နဲ့

ထန်းပင်တက်သူက တက်

တစ်ချို့တစ်ဝက် ကလည်း

အိမ်ကခွေးကို သယ် လွယ်လို့သာ လောက်လေးအိတ်နဲ့

ဆိတ်ကျောင်းထွက်သူက ထွက်မို့

တောအညာရဲ့ မနက်ဖက်ဟာ

သူ့အထား နဲ့သူသာ အသက်ဝင်နေတတ်ရဲ့။

 

ဒီလို့နဲ့ မွန်းတည့်ချိန်တန်တော့

မန်ကျည်းအညွ့န့်နုကို ဟင်းရည်ချက်

ပဲပြုတ်ကို ဆီနဲ့နှပ်လို့

ကြက်သွန်နီထက်ဝက်နဲ့ ပုန်းရည်ကြီးကိုလည်းသုတ်

အတို့ အမြုပ်မှာ

တမာခတ် ငပိရည် နဲ့

စားမြိန်စေအောင် ပတက်ကို ကြော်

ရာသီပေါ်ထန်းသီးနု ဆီပြန် ကုကွှိုရွှက်သုတ်နဲ့

အဟုတ်တကယ် နေ့ခင်းစာတယ်ခင်း

ထမင်းစားကြတော့တယ်။

 

ထပ်လို့တော့ အချိုတည်းစရာ

ထန်းညက်မှာ မျိုးစုံနဲ့

လက်ဘက်ကို ရွှဲနေအော်ဆီနှစ်လို့

နှမ်းပြစ် နဲ့ ပဲပြစ် စားရင်းက

ခဏတစ်ဖြုတ် နားကြတယ်လေ။

 

ညနေဖက်များ နေ ညိုရင်တော့

ဝါသနာ ပါတဲ့ အကိုတွေက

ချိုသမြမြ နေ့ချင်းကျတဲ့

ထန်းရည်နဲ့ ကြွက်ကြော်

ပဲလှော်နဲ့ အမြည်းလုပ်လို့

တစ်ကုတ်ကုတ် နဲ့ တစ်ခွက်တစ်ဖလား

အားပေးကြပြန်သေးရဲ့။

 

ဒီလိုနဲ့ ထွန်ချွတ်ချိန်အမှောင်ကျလို့

ကျေးငှက်တွေ အိပ်ချိန်ကျတော့

မြို့ပြရဲ့ ညတွေလို မီးရောင်စုံတွေ နဲ့ စည်ကားနေခြင်းတော့ မဟုတ်။

လုပ်စရာ ကိုင်စရာ ကတော့

အချောအလှ ပျိုကညာ

အိမ်တွင်းပု့း ရှိရာမှာ ဖိုသံပေးလို့

လူပျို ပိုးကြသူက ပိုး၊

ဝိုးတိုးဝါးတားနဲ့ လရောင်မှာ

ထုတ်စည်းထိုးကစားသူ ကစား

ဒါမှ မဟုတ်

တစ်ငုတ်တုတ်တုတ် တစ်ဂျစ်ဂျစ်နဲ့

ရေဒီယို ဖွင့်သူက ဖွင့်

နားစွင့်လို့ တော့

လော်စပီကာနဲ့သာ ကြော်ငြာတဲ့

ကာလာရယ် အစုံ

ဗီဒီရိုရုံ သွားသူက သွားနဲ့

တစ်နေတာရဲ့ မောပန်းခြင်းကို အပျော်ရှာ

အမောသာဖြေကြတော့တယ် ။

 

ဒီလိုပါပဲ

အညာရဲ့ ရိုးရာဆိုတာ

တစ်မျိုးတစ်ဘာသာ သူစိမ်းတစ်ရံတွေအဖို့တော့

ချို့တဲ့ သည်ပဲ မြင်မြင်

ပင်ပန်းသည်ပဲ ပြောပြော

အညာသူ အညာသားရင်ထဲတော့

တောအရပ် တောသဘာဝ

၀၀လင်လင် လေရတဲ့

ကိုယ့်ပြည် ကိုယ့်ရွာမှာပဲ ပျော်မွေ့ကြသူတွေသာ။

 

ဆိုတော့ကာ

မျက်စေ့လည်လမ်းမှားလို့များ အလည်လာကြရင်ဖြင့်

ဝမ်းပန်းတသာ ခရီးဦးကြိုရင်း

ဟိုခပ်လှမ်းလှမ်းက တမာပင်တန်းတွေ ရှိရာ

နံ့သာရောင်သမ်းတဲ့ ထနောင်းတန်းတွေ ပေါက်ရာမှာ

ရိုးရာအစာ ဖြစ်တဲ့ ထန်းရည်နဲ့ ကြွက်ကြော်

ပဲလှော် နဲ့ မြည်းကာ သွားသောက်ရအောင်လို့

တစ်ခေါက်တစ်လေ ဖြစ်ဖြစ်

ရောက်အောင်သာလာခဲ့ စမ်းပါလေ့

နေပူကြမ်း တဲ့

တောဓလေ့ အညာ။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

၂၆ ဧပြီ ၂၀၁၇

FB

ငွေနဲ့ခြားခံရတဲ့ ဘ၀တွေ ရှေ့ လျှောက် မပိုင်ဆိုင်ရပါလို၏။

….

….

….

….

….

….

….

….

….

….

….

….

ဟုတ်တယ်လေ  လိုင်းသုံးနေတုန်း ဘေလ်ကုန်သွားတော့ ဘာမှ တက်မလာတော့ဘူး။

ဒီလောက်တော့ ဆုတောင်းပျစေ။